2013年9月6日 星期五

行山萬"李"(125)-芝麻灣郊遊徑加遊十塱涌口,二浪,大浪

呢張借用人地-龍尾
路線 : 芝麻灣郊遊徑
 (貝澳,十塱涌口,望東灣,咀排,二浪,澄碧村,大浪,龍尾,下徑,長沙灣,芝麻灣水塘,老人山,鹹田村)
需時 : 8小時
里數 : 20公里
難度 : ***
天氣 : 溫度17.5-21C,濕度60-80%,多雲轉天晴 (01/02/09)
主要交通 : MTR.大嶼山巴士3M(東涌<->貝澳)
特點 : 芝麻灣郊遊徑係香港郊遊徑最長之首,前段易行,由大浪經龍尾到老人山開始多樓梯.老人山後左要行2個不知名山頭,之後急降芝麻灣道.
"李"想點睇 :
1.芝麻灣郊遊徑想行好耐,但一直沒人肯陪我去,呢條徑我們沿途只見到唔夠10人.如果早段唔係行左去十塱涌口, 7個鐘應該行完.
2.望東灣沙灘今次冇行到去,只係遠眺,有望東灣旅舍,青少年福音戒毒中心,荒廢的范氏祠堂.
3.二浪灣係本人認為可媲美大浪西灣的沙灘.,D浪好快好大.沙灘上有澄碧村,有個碼頭仔.最值得看係窰爐遺跡,但係比上年颱風破壞了.
4.大浪灣係半島上最南端沙灘,有個碼頭仔.大浪村有幾間村屋,都有婆婆住冇荒廢到.上龍尾路就係村後面,佢叮囑我們小心2隻惡狗.呢2隻狗惡得好出名,之前好似咬傷過人, 好彩今次遇唔到.
5.跟住,會看見下徑的石林.
6.芝麻灣水塘係一個典型細水塘,郊野公園管理處位於此.
7.老人山,303米, 山上有山火瞭望台,可看見石鼓洲,長洲,喜靈洲,不時會看見來往澳門船在海峽經過.
8.在無名山頭1, 回望老人山,真係有個老人樣係眼前.
9.無名山頭2 急降之前,山頂可看到貝澳一帶景色.有個迷你廟仔拜山神架.



沒有留言:

張貼留言